按英格蘭現行住宅稅率，你（或配偶）喺世界任何地方已經有物業，包括香港自住樓，買英國住宅通常要加 5% 附加稅；買入前 12 個月喺英國少過 183 日，再加 2% 非居民附加稅。兩樣都係按成個樓價計。
| 情況（£180,000 住宅例子） | 印花稅 |
|---|---|
| 冇附加稅 | £1,100 |
| 已經有物業 | £10,100 |
| 已經有物業 + 非英國居民 | £13,700 |
下面計算器已經剔好兩個附加稅選項，改做你個盤嘅樓價就得。蘇格蘭、威爾斯稅制唔同。只作討論，唔構成投資意見。
例子數字已經填好一間 £180,000、月租 £1,100 嘅三房屋。直接改做你嘅數就得。
一年空置三個星期，加代理費同維修儲備，好容易食咗兩成幾租金。毛回報 7%，淨落嚟可能得 5%。
個人名義買，按揭利息唔可以當使費扣，只係有 20% 稅務抵免（2027/28 起 24%）。高稅階嘅業主，有時連稅前賺錢嘅盤都會變成稅後貼錢。
已經有樓嘅人買第二間，印花稅要加 5%；非英國居民再加 2%。呢筆錢唔會返嚟，直接拉低你嘅現金回報。
數字會跟住你上面入嘅資料即時更新。
留低聯絡，報告即刻喺呢頁打開。入面有：
佢係一個模型，準唔準視乎你入嘅數。使費預設偏保守，但每區、每類物業、每間銀行都唔同。真係要落 offer，記得用實際報價同律師、broker 嘅意見再核一次。
要睇你嘅收入、打算持有幾耐、之後點樣攞錢出嚟。呢度只係將兩種計法嘅現金流擺埋一齊比較。真正決定之前，要問會計師同律師。
如果你喺香港已經有樓，買英國投資物業通常要加 5% 附加稅；買入前 12 個月喺英國少過 183 日，再加 2% 非居民附加稅。上面兩個剔格就係計呢兩樣。
如果你已經有心水盤，可以預約 15 分鐘同我傾。我會睇吓你嘅目標同資金啱唔啱，同埋下一步應該查咩。有時最有用嘅結論，係唔好買。